Matoshi: AKR-ja ka marrë oferta për koalicion nga të gjitha partitë

00:02 | 21 Gusht 2019
Trina Galanxhi

Ministri në dorëheqje i Mjedisit, Fatmir Matoshi nga Aleanca Kosova e Re, ka thënë se kjo parti ka marrë oferta për koalicion nga të gjitha partitë e mëdha në skenën politike në Kosovë.

Në Interaktiv të KTV-së, Matoshi ka thënë se për pak ditë kjo parti do të vendosë për ofertat.

“Kemi pas oferta nga të gjitha subjektet e mëdha politike, në forma të ndryshme nga të gjitha. Nga disa direkt, nga disa në forma indirekte”, ka thënë ai.

Sipas tij, partia do të shqyrtojë ndër të parat ofertën që ka marrë nga koalicioni AAK-PSD.

Ka thënë se AKR-ja e vlerëson bashkëpunimin me AAK-në e kryeministrit në dorëheqje Ramush Haradinaj dhe PSD-në e Shpend Ahmetit.

Matoshi ka bërë të ditur se pas dorëheqjes së Haradinajt, AKR-ja ka pas dakordim që të bashkëpunojë në zgjedhje me PSD-në. Ka thënë se kjo parti e ka njoftuar edhe për ofertën e AAK-së dhe për çdo bisedë që ka pasur para se të nënshkruajë koalicionin me këtë parti.

Shpërndaje në rrjete sociale

Lajmet më të lexuara

Të ngjashme

Foto lajm